اسلام ٹائمز۔ امامیہ اسٹوڈنٹس آرگنائزیشن پاکستان کراچی ڈویژن کی جانب سے یوم تاسیس کا مرکزی پروگرام مسجد و امام بارگاہ آل عبا فیڈرل بی ایریا میں منعقد کیا گیا۔ پروگرام سے مولانا نادر عباس اور سابق ڈویژنل صدور برادر نوازش رضا، برادر نیئر زیدی، برادر سلمان حسینی، برادر عارف جعفری، برادر فرخ سجاد، برادر محمد علی اور ڈویژنل نظارت کی جانب سے ڈاکٹر باقر شیئم نقوی نے خطاب کیا۔ اس موقع پر سابق ڈویژنل صدور برادر نثار عابدی، برادر میثم عابدی اور برادر زین انصاری بھی موجود تھے۔ پروگرام میں ناصران امام ع فاؤنڈیشن کے مصطفیٰ کرمانی، جعفریہ الائنس کے رہنما شبر رضا کے علاوہ ممبران، محبین اور سینئیر برادران نے کثیر تعداد میں شرکت کی۔ پروگرام میں نظامت کے فرائض آئی ایس او کراچی کے نائب صدر برادر مصطفی نے سر انجام دئیے۔ پروگرام میں دستہ امامیہ کے صاحب بیاض برادر عاطر اور دیگر دوستوں نے ترانہ ہائے شہادت کے ذریعے ماحول کو خوب گرمایا۔ تقریب کے آخر میں پوزیشن ہولڈرز برادر سجاد حسین، برادر ذاکر حسین، برادر گل حسن اور برادر یاسر حسین اور کے علاوہ سال بھر نمایاں کارکردگی دکھانے والے امامیہ طلباء کو انعامات دئیے گئے۔

اسلام ٹائمز