اسلام ٹائمز - کوئٹہ نماز جنازہ

اسلام ٹائمز: آئی ٹی یونیورسٹی کے طلباء کی بس پر بزدلانہ خودکش بم حملہ کی مذمت کرتے ہوئے ایم ڈبلیو ایم کے مرکزی رہنما کا کہنا تھا کہ یہ خودکش بم حملہ دہشتگردوں کی درندگی کا مُنہ بولتا ثبوت ہے۔ جس کے نتیجے میں چار طلباء شہید اور تقریباً ستر زخمی ہوئے۔

اسلام ٹائمز۔ مجلس وحدت مسلمین پاکستان کے مرکزی رہنماء علامہ سید ہاشم موسوی اور دیگر ضلعی عہدیداران و اراکین نے آئی ٹی یونیورسٹی کے طلباء کی بس پر بزدلانہ خودکش بم حملہ کی مذمت کرتے ہوئے کہا ہے کہ یہ خودکش بم حملہ دہشتگردوں کی درندگی کا مُنہ بولتا ثبوت ہے۔ جس کے نتیجے میں چار طلباء شہید اور تقریباً ستر زخمی ہوگئے۔انہوں نے کہا کہ سوال یہ ہے کہ کیوں بار بار ناقص سکیورٹی کی نشاندہی پر حکومت نے آئی ٹی یونیورسٹی کے طلباء کو فول پروف سکیورٹی فراہم نہیں کی؟ بلوچستان اور کوئٹہ کے تمام مکتبہ فکر سے تعلق رکھنے والے علماء کرام اور سیاسی جماعتوں کی بھرپور کوششوں کے باوجود دہشتگردی کا نہ رکنا اور دہشتگردوں کی آزادانہ کارروائیاں، اس بات کی دلیل ہیں کہ حکومتی ادارے دہشتگردوں کی سرپرستی میں ملوث ہیں۔ انہوں نے کہا کہ مجلس وحدت مسلمین حکومت سے پرزور مطالبہ کرتی ہے کہ دہشتگرد اور ان کی درپردہ پشت پناہی کرنے والے عناصر کو بے نقاب کرکے قرار واقعی سزا دی جائے اور کوئٹہ کے عوام خصوصاً ہزارہ ملت تشیع کو فوری تحفظ کی فراہمی یقینی بنائی جائے۔