اسلام ٹائمز - شہادت امام علی

اسلام ٹائمز: کانفرنس سے خطاب کرتے ہوئے مہمان خصوصی گورنر پنجاب کا کہنا تھا کہ محترمہ بے نظیر بھٹو شہید اس کانفرنس میں تین مرتبہ شرکت کر چکی ہیں اور بی بی شہید نے شہادت امام علی علیہ السلام کانفرنس سے خطاب کرتے ہوئے کہا تھا کہ میں اس کانفرنس میں بطور وزیراعظم نہیں بلکہ کنیز علی (ع) کے طور پر حاضر ہوئی ہوں۔

اسلام ٹائمز۔ مزکزی امام حسین کونسل نے حسب سابق شہادت امام علی علیہ السلام کانفرنس کا انعقاد مقامی ہوٹل میں کیا۔ کانفرنس میں گورنر پنجاب سردار لطیف کھوسہ، ڈائریکٹر خانہ فرہنگ اسلامی جمہوری ایران امیر گل، جسٹس (ر) علی نواز چوہان، رہنما پاکستان پیپلز پارٹی زمرد خان، علامہ علی غضنفر کراروی، عظمت بخاری سمیت کثیر تعداد میں سیاسی، سماجی اور مذہبی شخصیات نے شرکت کی۔ مہمان خصوصی گورنر پنجاب کا کہنا تھا کہ محترمہ بے نظیر بھٹو شہید اس کانفرنس میں تین مرتبہ شرکت کر چکی ہیں اور بی بی شہید نے شہادت امام علی علیہ السلام کانفرنس سے خطاب کرتے ہوئے کہا تھا کہ میں اس کانفرنس میں بطور وزیراعظم نہیں بلکہ کنیز علی (ع) کے طور پر حاضر ہوئی ہوں۔