اسلام ٹائمز۔ شیعہ علماء کونسل پاکستان کے سربراہ علامہ سید ساجد علی نقوی کی سرپرستی میں اس سال بھی سیلاب متاثرہ علاقوں میں آٹھ لاکھ روپے سے زائد اجتماعی قربانی کا اہتمام اندرون سندھ میں ضلع گھوٹکی، شکارپور، قمبر شہداد کوٹ، جیکب آباد، خیرپور ناتھن شاہ اور میہڑ اور بلوچستان میں صحبت پور، جڈہیر شاخ، ڈیرہ مراد جمالی، اوستہ محمد اور گنداخہ میں کیا گیا۔ اجتماعی قربانی کا اہتمام صوبہ سندھ میں شیعہ علماء کونسل پاکستان کے صوبائی صدر علامہ محمد باقر نجفی جبکہ صوبہ بلوچستان کے صوبائی آرگنائزر علامہ محمد اکبر زاہدی نے بلوچستان میں کیا۔ اس سلسلے میں کارکنان نے دور دراز کا سفر طے کرکے سیلاب متاثرہ علاقوں میں قربانی کا اہتمام کرکے وہاں متاثرین میں قربانی کا گوشت تقسیم کیا اور بعض ایسے مقامات جہاں زمینی راستہ ختم ہوچکا ہے وہاں کشتیوں میں جاکر قربانی کا اہتمام کیا اس سلسلے میں قائد ملت جعفریہ نے عوام اور کارکنان کا شکریہ ادا کیا اور ان کی اس عبادت کی بارگاہ رب العزت میں شرف قبولیت کیلئے خصوصی دعا کی۔

اسلام ٹائمز