اسلام ٹائمز - غدیر کا تسلسل

اسلام ٹائمز: غدیر کے موقع پر پیغمبر (ص) نے حکم خدا سے اعلان ولایت علی ابن ابی طالب (ع) کرکے امت کو نجات کا راستہ عطاء کیا۔

اسلام ٹائمز۔ ولایت فقیہ غدیر اور ولایت علی (ع) کا تسلسل ہے۔ دینی اسکالرز و محقیقین کے مطابق یہ کیسے ممکن ہے کہ رسول اللہ صلی اللہ علیہ و آلہ وسلم حجتہ الوادع کے موقع پر یوم عرفہ میں تمام حقوق، حتٰی کہ معمولی سے معمولی احکام کی تو وضاحت کریں لیکن امت کو ان احکام پر عملدرآمد کے لئے ولایت اور نظام حکومت کا تعین نہ کریں؟ یہ بات سراسر عدل الٰہی اور عقل و منطق کے خلاف ہے، یہی وجہ ہے کہ غدیر کے موقع پر پیغمبر صلی اللہ علیہ و آلہ وسلم نے حکم خدا سے اعلان ولایت علی ابن ابی طالب (ع) کرکے امت کو نجات کا راستہ عطا کیا۔