اسلام ٹائمز - عید میلادالنبی(ص)

اسلام ٹائمز: جڑواں شہروں راولپنڈی، اسلام آباد میں جشن میلادالنبی (ص) انتہائی عقیدت و احترام کے ساتھ منایا گیا۔ میلاد کے جلوسوں میں ہزاروں افراد شریک ہوئے اور دن بھر مدحت سرائی کا سلسلہ جاری رہا۔

اسلام ٹائمز۔ راولپنڈی میں جشن عید میلاد النبی (ص) کا مرکزی جلوس پیر نقیب الرحمان کی سربراہی میں جامع مسجد روڈ سے شروع ہوا، جو بنی چوک، کمیٹی چوک، اقبال روڈ، فوراہ چوک، سبزی منڈی، ڈنگی کھوئی سے ہوتا ہوا واپس جامع مسجد میں ہی آکر اختتام پذیر ہوا۔ چار سو سے زیادہ میلاد کمیٹیاں اس جلوس میں شامل ہوئیں، شرکاء نعت خوانی کرکے نبی آخرالزمان صلی اللہ علیہ وآلہِ وسلم سے اپنی والہانہ محبت و عقیدت کا اظہار کرتے رہے تو علماء نے نبی پاک صلی اللہ علیہ وآلہِ وسلم کی ذات طیبہ اور سیرت پر روشنی ڈالی۔ جلوسوں کے راستوں میں لنگر اور سبیلوں کا بھی خصوصی اہتمام کیا گیا۔