0
Monday 29 Apr 2013 23:44
اسلام ٹائمز۔ آج صبح سینکڑوں اسلامی دانشوروں، علماء اسلام اور ممتاز اسلامی شخصیات کی موجودگی میں ساتویں بین الاقوامی علماء اور اسلامی بیداری کانفرنس کا اجلاس رہبر معظم انقلاب اسلامی حضرت آیت اللہ العظمٰی سید علی خامنہ ای کے اہم خطاب سے آغاز ہوا۔ کانفرنس کے شرکاء سے خطاب میں رہبر انقلاب اسلامی کا کہنا تھا کہ مغربی اور صیہونی جاسوس اداروں کی جانب سے اور علاقائی تیل کے ڈالروں کے تعاون سے، اس وقت مشرقی ایشیا، شمال افریقہ بالخصوص عرب علاقہ میں سنجیدگی کے ساتھ یہ سازش جاری ہے اور وہ سرمایہ جو خلق خدا کی خدمت میں صرف کیا جاسکتا تھا وہ آج ستمگر طاقتوں کی جانب سے بم دھماکے کرانے، دہشت گردی پھیلانے اور مسلمانوں کا خون بہانے اور اختلافات کو شعلہ ور کرنے کے سلسلے میں خرچ کیا جا رہا ہے۔
رہبر معظم انقلاب اسلامی نے بغور جائزہ لینے کے بعد اندرونی اختلافات اور واقعات کے پس پردہ دشمن کے ہاتھ کے نمایاں ہونے کی طرف اشارہ کرتے ہوئے کہا کہ اس سلسلے میں دینی علماء، اسلامی دانشوروں اور سیاسی شخصیات کی ذمہ داری بہت ہی سنگين ہے۔ رہبر معظم انقلاب اسلامی نے لیبیا، مصر، تیونس، شام، پاکستان، عراق اور لبنان کے حالات کی طرف اشارہ کرتے ہوئے کہا کہ مغربی میڈيا اور علاقہ میں مغرب سے وابستہ نوکر میڈيا شام کی خون ریز جنگ کو شیعہ و سنی جنگ قرار دے رہے ہیں اور شام و لبنان میں اسلامی مقاومت کے دشمنوں اور صہیونیوں کے لئے امن کے اسباب فراہم کر رہے ہیں جبکہ شام میں ایسا نہیں ہے، شیعہ و سنیوں کے درمیان جنگ نہیں بلکہ یہ جنگ، اسرائيل کے حامیوں اور اسلامی مقاومت کے حامیوں کے درمیان جنگ ہے۔
خبر کا کوڈ : 259191
منتخب
24 Apr 2024
24 Apr 2024
24 Apr 2024
24 Apr 2024
24 Apr 2024
23 Apr 2024
23 Apr 2024
ہماری پیشکش
