اسلام ٹائمز۔ سانحہ پاراچنار کے خلاف مجلس وحدت مسلمین پاکستان بلتستان ڈویژن کی جانب سے یادگار شہداء اسکردو پر احتجاجی جلسہ منعقد کیا گیا۔ جلسہ سے مجلس وحدت مسلمین پاکستان صوبہ گلگت بلتستان کے ڈپٹی سیکرٹری جنرل علامہ آغا مظاہر حسین موسوی، ایم ڈبلیو ایم بلتستان کے سیکرٹری جنرل علامہ آغا علی رضوی اور انجمن تحفظ حقوق بلتستان کے صدر راجہ زکریا مقپون نے خطاب کیا۔ احتجاجی جلسہ میں سینکڑوں شیعیان حیدر کرار نے شرکت کی اور پاراچنار دھماکہ کے خلاف شدید احتجاج کیا اور نعرے بازی کی۔ اس موقع پر شرکائے جلسہ نے ہاتھوں میں بینرز اور پلے کارڈ اٹھا رکھے تھے، جن پر دہشت گردی کے خلاف نعرے درج تھے۔ احتجاجی جلسہ سے خطاب کرتے ہوئے مقررین نے کہا کہ دہشت گردوں کی جانب سے مسلسل دہشت گردی کی کارروائیاں سکیورٹی اداروں اور حکومت کے لئے ایک سوالیہ نشان بنی ہوئی ہیں، حکومت کو چاہئیے کہ کالعدم دہشت گرد تنظیموں سپاہ صحابہ، لشکر جھنگوی اور کانگریسی ایجنٹوں طالبان دہشت گردوں کے خلاف مؤثر اقدامات اٹھائے۔

اسلام ٹائمز