اسلام ٹائمز - قم المقدسہ ریلی

اسلام ٹائمز: یوم القدس ریلی کا آغاز دن گیارہ بجے میدان مطہری سے ہوا جو کہ مختلف راستوں سے ہوتی نماز جمعۃ الوداع سے قبل حرم مطہر سیدہ فاطمہ معصومہ (س) پر اختتام پذیر ہوئی، ایم ڈبلیو ایم کی جانب سے ریلی کی قیادت سیکرٹری جنرل علامہ غلام محمد فخرالدین اور صوبائی سیکرٹری جنرل خبیر پختونخواہ علامہ سبیل حسن مظاہری نے کی۔

اسلام ٹائمز۔ مجلس وحدت مسلمین (شعبہ قم المقدسہ) کے زیراہتمام امام خمینی رحمتہ اللہ علیہ کے فرمان اور ناصر ملت علامہ ناصر عباس جعفری کی اپیل پر یوم القدس کو بھرپور طریقے سے منایا۔ اس سلسلے میں مجلس وحدت مسلمین نے قم المقدسہ میں نکلنے والی عالمی یوم القدس ریلی میں پاکستان کی بھرپور نمائندگی کی۔ ریلی کے شرکاء نے پاکستانی، ایرانی اور فلسطینی پرچم اُٹھائے ہوئے تھے جبکہ ایک کثیر تعداد بینر، پینا فلیکس، پورٹریٹ، پلے کارڈز اُٹھا رکھے تھے جن پر فلسطین، حزب اللہ اور شام کے حق میں اور امریکہ، اسرائیل، یہودیت، آل سعود اور صیہونیت کے خلاف نعرے درج تھے۔ قم المقدسہ میں نکالی جانیوالی والی ریلی پاکستانیوں کی ایک کثیر تعداد نے شرکت کی اور ملک سے باہر ہوتے ہوئے بھی فلسطین کی بھرپور حمایت اور امریکہ و اسرائیل سے نفرت کا اظہار کیا۔