اسلام ٹائمز - وادی حسین

اسلام ٹائمز: عیدالفطر کے موقع پر وادی حسین قبرستان کراچی سمیت مختلف قبرستانوں میں لوگوں نے شہداء ملت جعفریہ کی قبور مقدس پر خصوصی طور پر حاضری دی انہیں بھرپور خراج عقیدت پیش کیا۔

اسلام ٹائمز۔ مجلس وحدت مسلمین پاکستان، شیعہ علماء کونسل، امامیہ اسٹوڈنٹس آرگنائزیشن پاکستان سمیت دیگر شیعہ تنظیموں و علماء کرام کی اپیل پر ملک بھر کی طرح شہر کراچی میں بھی ملت جعفریہ نے عید سادگی سے منائی۔ عید کے اجتماعات میں خانوادہ شہدائے ملت جعفریہ سے اپنی اظہار یکجہتی و تعزیت کیلئے بازوﺅں میں سیاہ پٹیاں باندھ کر اپنا احتجاج ریکارڈ کروایا گیا۔ عیدالفطر کے تینوں روز مومنین و مومنات کی بڑی تعداد نے شہدائے کراچی کی آخری آرام گا ہ وادی حسین قبرستان، وادی السلام قبرستان اور ماڈل کالونی قبرستان کا رخ کیا۔ شہید پروفیسر سید سبط جعفر زیدی، شہید علامہ آفتاب حیدر جعفری، شہید ناموس رسالت سید علی رضا تقوی، شہید سید سعید حیدر زیدی، شہید عسکری رضا، شہید مختار ایڈووکیٹ سمیت شہدائے عاشورا ،اربعین، سانحہ عباس ٹاﺅن اور ٹارگٹ کلنگ میں شہید ہونے والوں کی قبور مقدس پر حاضری دی اور شہداء کو بھرپور خراج عقیدت پیش کیا گیا۔ اس موقع پر سکیورٹی کے سخت انتظامات کئے گئے تھے۔