اسلام ٹائمز۔ قائد شہید علامہ عارف حسین الحسینی کی پچیسویں برسی کے سلسلہ میں مجلس وحدت مسلمین پاکستان کا دفاع پاکستان کنونشن جناح ایونیو باالمقابل پارلیمنٹ ہاوس شروع ہوچکا ہے۔ کنونش کے ابتدائی سیشن سے ایم ڈبلیو ایم پنجاب کے سیکرٹری جنرل علامہ عبدالخالق اسدی، آغا مرتضٰی پویا، علامہ شبیر بخاری، علامہ عبدالحسین الحسینی، شجاع رضوی، ذاکر شوکت رضا، بلوچستان کے سیکرٹری جنرل مقصود ڈومکی، شاعر آل محمد زوار بسمل، علامہ اصغر عسکری اور دیگر نے خطاب کیا۔ مقررین کا کہنا تھا کہ استعمار وقت کے گماشتے آئیں دیکھیں شہداء کے وارثان کا جم غفیر آج اسلام آباد میں جمع ہے۔
