اسلام ٹائمز - پشاور دھماکے 1

اسلام ٹائمز: پشاور میں کوہاٹی گیٹ کے سامنے گرجا گھر میں خودکش دھماکے میں 64 افراد جاں بحق اور 100 سے زائد زخمی ہوگئے۔ زخمیوں کو لیڈی ریڈنگ اسپتال منتقل کر دیا گیا۔

اسلام ٹائمز۔ پشاور میں کوہاٹی گیٹ کے سامنے گرجا گھر میں خودکش دھماکے میں 64 افراد جاں بحق اور 100 سے زائد زخمی ہوگئے۔ زخمیوں کو لیڈی ریڈنگ اسپتال منتقل کر دیا گیا۔ ریسکیو ذرائع کے مطابق جاں بحق اور زخمیوں میں خواتین اور بچے شامل ہیں۔ عینی شاہدین کے مطابق جیسے ہی چرچ میں عبادت ختم ہوئی، خودکش حملہ آور نے خود کو دھماکے سے اڑا لیا۔ جس کے فوری بعد دوسرے خودکش حملہ آور نے بھی خود کو دھماکے سے اڑالیا۔ اتوار کے روز بڑی تعداد میں مسیحی برادری عبادت کیلئے گرجا گھر آتی ہے، جن کی تعداد سینکڑوں میں بتائی جا رہی ہے۔ پولیس اور ریسکیو ٹیموں نے جائے وقوعہ پر پہنچ امدادی کاررائیوں میں حصہ لیا اور زخمیوں کو لیڈی ریڈنگ اسپتال منتقل کیا۔