اسلام ٹائمز - اظہار یکجہتی

اسلام ٹائمز: مقررین کا کہنا تھا کہ سانحہ پشاور میں ملوث افراد کبھی بھی مسلمان نہیں ہوسکتے، انکا پاکستان اور اسلام سے کوئی تعلق نہیں۔ مسیحی برادری اتنی ہی محب وطن پاکستانی ہے جتنا کہ کوئی اور محب وطن ہے۔

اسلام ٹائمز۔ اسلام آباد کے نجی ہوٹل میں آسان فاونڈیشن پاکستان کے زیراہتمام مسیحی برادری کے ساتھ اظہار یکجہتی کے حوالے سے ایک سیمینار کا اہتمام کیا گیا، جس میں وزیر مذہبی امور سردار یوسف خان، علامہ سید افتخار حسین نقوی، مجلس وحدت مسلمین کے صوبائی ترجمان علامہ اصغر عسکری اور پاکستان علماء کونسل کے چیئرمین علامہ طاہر اشرفی سمیت دیگر افراد نے شرکت کی اور مسیحی بھائیوں سے اظہار یکجہتی کی۔ اس موقع پر مقررین کا کہنا تھا کہ سانحہ پشاور میں ملوث افراد کبھی بھی مسلمان نہیں ہوسکتے، انکا پاکستان اور اسلام سے کوئی تعلق نہیں ہے۔ انہوں نے کہا کہ مسیحی برادری اتنی ہی محب وطن پاکستانی ہے جتنا کہ کوئی اور محب وطن ہے۔ مقررین نے حکومت سے تقاضا کیا کہ وہ دہشتگردوں کیخلاف آہنی ہاتھوں سے نمٹے۔