اسلام ٹائمز - شب شہداء

اسلام ٹائمز: شہداء کے لواحقین نے بتایا کہ شہداء اللہ کے چنے ہوئے اور مثالی لوگ ہوتے ہیں، شہید قوم کی حیات ہوتا ہے، شہیدوں نے اپنے لہو سے ملت کی آبیاری کی اور آج ملت جس مقام پر ہے وہ شہداء کے خون کی تاثیر ہے کہ ملت تشیع پاکستان کو ملک میں ایک مقام حاصل ہے۔

اسلام ٹائمز۔ امامیہ اسٹوڈنٹس آرگنائزیشن پاکستان کے سالانہ کنونشن کے دوسرے روز کی آخری نشست شب شہداء میں شہداء کے خانوادگان کی شرکت سے نشست کا ماحول سوگوار، شہداء کے تذکرے سے شرکاء کی آنکھیں پر نم ہوگئیں۔ آئی ایس او کے بانی شہید ڈاکٹر محمد علی نقوی کے رفیق اور آئی ایس او کے سینئر رہنما امجد کاظمی ایڈووکیٹ نے شہید ڈاکٹر محمد علی نقوی اور شہید قائد علامہ عارف حسین الحسینی کے ساتھ گزارے ہوئے لمحات کا تذکرہ کیا تو محفل میں ہر آنکھ میں آنسو آگئے۔ شہداء کے تذکرے کی اس نشست میں کوئٹہ کے شہداء کے لواحقین نے بھی خصوصی طور پر شرکت کی اور انہوں نے فرداً فرداً شہداء کا ذکر کیا۔