اسلام ٹائمز - آئی او کا استقبالیہ

اسلام ٹائمز: اس موقع پر رہنماؤں نے ملکر چلنے کا اعادہ کیا اور کہا کہ ملت کا اتحاد وقت کی اہم ضرورت ہے اور نظریہ ولایت فقیہ کے پیروکاروں کی ذمہ داری بنتی ہے کہ دشمن کی سازشوں کو ناکام بنانے کیلئے باہمی اتحاد کا مظاہرہ کریں۔

اسلام ٹائمز۔ امامیہ آرگنائزیشن کی جانب امامیہ اسٹوڈنٹس آرگنائزیشن کے نومنتخب مرکزی صدر اطہر عمران کے اعزاز میں عشائیہ دیا گیا، جس میں آئی ایس او کی سابق کابینہ کے ارکان، آئی او کی مرکزی کابینہ اور سابق رہنماؤں نے شرکت کی۔ اس موقع پر رہنماؤں نے مل کر چلنے کا اعادہ کیا اور کہا کہ ملت کا اتحاد وقت کی اہم ضرورت ہے اور نظریہ ولایت فقیہ کے پیروکاروں کی ذمہ داری بنتی ہے کہ دشمن کی سازشوں کو ناکام بنانے کے لئے باہمی اتحاد کا مظاہرہ کریں۔ اس موقع پر آئی او کے رہنما لال مہدی خان، سید حسنین جعفری زیدی، افسر رضا خان جبکہ آئی ایس او کی طرف سے عدیل علوی، ناصر عباس، کمیل جعفری، زین زیدی اور دیگر رہنماء بھی شریک ہوئے۔