اسلام ٹائمز - عید غدیر کانفرنس

اسلام ٹائمز: کانفرنس میں بھارت سے آئے ہوئے عالم دین مولانا سید کلب جواد نقوی، مولانا شیخ غلام رسول نوری، مولانا خاتم علی سمیت مختلف شخصیات نے خطاب کیا اور غدیر کی اہمیت اور افادیت پر زور دیا۔

اسلام ٹائمز۔ مقبوضہ کشمیر کے حوزہ علمیہ امام رضا علیہ السلام میں انجمن صدائے حسین (ع) کے زیر اہتمام عید غدیر کانفرنس منعقد کی گئی، جس میں علماء کرام، سماجی ماہرین، طلباء، پروفیسرز، صحافی حضرات اور دیگر شعبہ ہائے زندگی سے تعلق رکھنے والے افراد کی بڑی تعداد نے شرکت کی، کانفرنس میں بھارت سے آئے ہوئے عالم دین مولانا سید کلب جواد نقوی، مولانا رضا حسین رضوی، مولانا شیخ غلام رسول نوری، مولانا خاتم علی سمیت مختلف شخصیات نے خطاب کیا اور غدیر کی اہمیت اور افادیت پر زور دیا، مقررین کا کہنا تھا کہ امام علی (ع) کی ولایت ہی ہماری نجات کا راستہ ہے اور غدیر ایک جامع نظام ہے جس نے مسلمانوں کو ایک مرکز کی طرف آنے کی دعوت دی ہے۔