اسلام ٹائمز - تنظیم نو

اسلام ٹائمز: بہاائوالدین زکریا یونیورسٹی یونٹ کی تنظیم نو میں آئی ایس او پاکستان کے مرکزی صدر اطہر عمران طاہر، سابق مرکزی صدر یافث نوید ہاشمی، جواد جعفری، سید تجمل حسین نقوی اور تہور حیدری سمیت دیگر نے شرکت کی۔

اسلام ٹائمز۔ امامیہ اسٹوڈنٹس آرگنائزیشن پاکستان ملتان ڈویژن کے بہائوالدین زکریا یونیورسٹی یونٹ کی تنظیم نو جامعہ امام علی علیہ السلام المعروف علی یونیورسٹی میں منعقد ہوئی۔ تنظیم نو میں آئی ایس او پاکستان کے مرکزی صدر اطہر عمران طاہر نے خصوصی طور پر شرکت کی، جبکہ ان کے علاوہ جامعہ امام علی علیہ السلام کے پرنسپل علامہ ظفر حسین حقانی، مولانا جواد حسین خان، سابق مرکزی صدر یافث نوید ہاشمی ایڈووکیٹ، سابق مرکزی جنرل سیکرٹری جواد رضا جعفری، سابق مرکزی انچارج محبین سید تجمل حسین نقوی، سابق ڈویژنل صدر تہور حیدری اور موجودہ ڈویژنل صدر ڈاکٹر عرفان حیدر اور یونٹ صدر قیس عباس نے شرکت کی۔ اس موقع پر یونیورسٹی کے طلباء کی ایک بڑی تعداد موجود تھی۔ تنظیم نو کی تقریب سے مرکزی صدر اطہر عمران طاہر، جواد رضا جعفری، سید تجمل حسین نقوی، تہور حیدری، ڈاکٹر عرفان حیدر اور موجودہ یونٹ صدر قیس رضا نے خطاب کیا۔ آخر میں اکثریت رائے سے قاسم جعفری کو بہائوالدین زکریا یونیورسٹی کا نیا میر کارواں منتخب کیا گیا۔ نومنتخب یونٹ صدر سے ڈویژنل صدر ڈاکٹر عرفان حیدر نے حلف لیا۔