QR Code
گلگت دھرنا(3)
19 Apr 2014 01:53
اسلام ٹائمز: عوامی ایکشن کمیٹی کی کال پر گلگت بلتستان کے دارالخلافہ شہر گلگت میں گذشتہ چار روز سے چارٹر آف ڈیمانڈ پر عمل درآمد کیلئے احتجاجی دھرنا گھڑی باغ پر جاری ہے۔
اسلام ٹائمز۔ گلگت بلتستان کے طول و عرض میں عوامی ایکشن کمیٹی کی کال پر احتجاجی دھرنوں کا سلسلہ جاری ہے۔ جس میں گزرتے وقت کے ساتھ شدت پیدا ہوتی جا رہی ہے۔ گلگت شہر میں مرکزی دھرنا گذشتہ چار روز سے گھڑی باغ کے مقام پر جاری ہے جس سے مختلف سیاسی، قوم پرست اور مذہبی راہنما خطاب کر رہے ہیں۔ عوامی ایکشن کمیٹی نے 9 نکاتی چارٹر آف ڈیمانڈ میں شامل تمام مطالبات کی منظوری تک احتجاج جاری رکھنے کا اعلان کیا ہے۔ گلگت شہر کے علاوہ ضلع ہنزہ نگر کے مختلف علاقوں میں بھی دھرنوں کے باعث شاہراہ قراقرم کا ہنزہ تا گلگت سیکشن مکمل طور پر بند ہے۔
خبر کا کوڈ: 374341