اسلام ٹائمز - سفر آخرت

اسلام ٹائمز: شہید ناصر عباس کی نماز جنازہ کے موقع پر علامہ عابد حسین شاکری نے خطاب کرتے ہوئے کہا کہ آئے روز بے گناہ شیعہ جوان قتل ہو رہے ہیں، مگر حالات کنٹرول کرنے والے ادارے ناکام نظر آرہے ہیں۔

اسلام ٹائمز۔ ناصر عباس کو پشاور کے علاقہ گلبہار میں دہشتگردوں نے میڈیکل سٹور پر اللہ اکبر کے نعرے لگاتے ہوئے شہید کردیا، شہید کی نماز جنازہ جامعہ شہید عارف حسین الحسینی کے خطیب علامہ عابد شاکری کی اقتداء میں ادا کی گئی، نماز جنازہ میں عوام کی بڑی تعداد نے شرکت کی۔ اس موقع پر اعلامہ عابد حسین شاکری نے خطاب کرتے ہوئے کہا کہ آئے روز بے گناہ شیعہ جوان قتل ہو رہے ہیں، مگر حالات کنٹرول کرنے والے ادارے ناکام نظر آرہے ہیں۔ انہوں نے کہا کہ ایسے وقعات سے پشاور کا سکون تباہی کی طرف بڑھتا جا رہا ہے، پولیس، ایجنسیاں اور دیگر ادارے اپنا کردار ادا احسن طریقے سے ادا کریں۔