اسلام ٹائمز - شہید اعتزاز حسن برسی

اسلام ٹائمز: جانباز شہید اعتزاز حسن کی پہلی برسی گذشتہ روز ان کی آبائی علاقہ ابراہیم زئی میں منائی گئی، اس موقع پر ایک تقریب کا انعقاد کیا گیا۔

اسلام ٹائمز۔ ایک سال قبل ہنگو کے علاقہ ابراہیم زئی میں اسکول کے سینکڑوں بچوں کی جان بچاتے ہوئے اپنی جان دینے والے نوجوان جانباز شہید اعتزاز حسن کی پہلی برسی گذشتہ روز ان کی آبائی علاقہ ابراہیم زئی میں منائی گئی، اس موقع پر ایک تقریب کا انعقاد کیا گیا، جس میں مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی، عوامی نیشنل پارٹی کے مرکزی رہنماء میاں افتخار حسین، معروف اینکر حامد میر، ایم ڈبلیو ایم کے صوبائی سیکرٹری جنرل علامہ سید سبطین الحسینی، صوبائی ڈپٹی سیکرٹری جنرل علامہ ارشاد علی، پاک فورسز کے آفیسر افراسیاب سمیت علاقہ کی معزز شخصیات اور علمائے کرام نے شرکت کی۔