QR Code

نمائش فنون لطیفہ و ثقافتی ورثہ

1 Feb 2016 22:11

اسلام ٹائمز: افتتاحی تقریب میں وفاقی سیکرٹری اطلاعات و نشریات صبا محسن رضا، اسلام آباد میں تعینات ایرانی سفیر مہدی ہنر دوست، ثقافتی قونصلر شہاب الدین دارائی، ڈاکٹر فوزیہ سعید اور پروفیسر معصوم یاسین زئی شریک تھے۔ اس موقع پر ایران سے آئے ہوئے ہنر مندوں کے نادر فن پارے نمائش میں رکھے گئے تھے۔

اسلام ٹائمز۔ انقلاب اسلامی ایران کی پرشکوہ کامیابی کی 37 ویں سالگرہ کی مناسبت سے قونصلیٹ اسلامی جمہوریہ ایران اسلام آباد کے زیر اہتمام نمائش فنون لطیفہ و ثقافتی ورثہ کا انعقاد کیا جارہا ہے۔ دہ فجر کی تقریبات وزارت اطلاعات و نشریات اور لوک ورثہ کے تعاون سے آج لوک ورثہ، شکر پڑیاں، اسلام آباد میں شروع ہوئیں۔ جس میں ایرانی آرٹسٹوں کے فن پاروں، کے علاوہ فنون لطیفہ، ایرانی دستکاریاں، خوش نویسی، مرصع کاری، کتب اور قلمی نسخے بھی موجود ہوں گے۔ ثقافتی و فنون لطیفہ کی نمائش کا افتتاح وفاقی وزیر برائے اطلاعات و نشریات و قومی ورثہ سینیٹر پرویز رشید نے کیا۔ افتتاحی تقریب میں وفاقی سیکرٹری اطلاعات و نشریات صبا محسن رضا، اسلام آباد میں تعینات ایرانی سفیر مہدی ہنر دوست، ثقافتی قونصلر شہاب الدین دارائی، ڈاکٹر فوزیہ سعید اور پروفیسر معصوم یاسین زئی شریک تھے۔ اس موقع پر ایران سے آئے ہوئے ہنر مندوں کے نادر فن پارے نمائش میں رکھے گئے تھے۔

خبر کا کوڈ: 517350