دہشتگردوں کی لاشیں

اسلام ٹائمز۔ قلات میں سکیورٹی فورسز نے کامیاب آپریشن کیا۔ جس میں کالعدم تنظیم کے کمانڈر سمیت 34 دہشت گرد ہلاک ہوئے۔ مرنے والوں میں سانحہ مستونگ میں ملوث دہشت گرد بھی شامل ہیں۔ اس کے علاوہ کوئٹہ میں ایک کارروائی کے دوران بھی دو دہشت گرد مارے گئے۔ سکیورٹی فورسز کے ان آپریشنز میں مرنے والے دہشت گردوں کی لاشیں سول ہسپتال کوئٹہ میں موجود ہیں۔ موقع پر موجود شہریوں نے انتظامیہ سے مطالبہ کیا کہ سول ہسپتال میں لاشیں محفوظ رکھنے کی پہلے ہی گنجائش نہیں ہے، لہذا ان لاشوں کو جلد از جلد ٹھکانے لگایا جائے۔ لاشیں زیادہ ہونے کے باعث کچھ کو ڈیڈ روم سے بھی باہر رکھا گیا ہے۔ مقامی ذرائع کے مطابق ان میں کچھ لاشیں بے گناہ شہریوں کی بھی ہیں۔