اسلام ٹائمز - اسلام آباد میں بھوک ہڑتالی کیمپ

اسلام ٹائمز: اس دوران مختلف سیاسی و مذہبی جماعتوں نے بھوک ہڑتالی کیمپ میں آکر علامہ ناصر عباس جعفری کی حمایت کی ہے اور مطالبات تسلیم کئے جانے کا مطالبہ کیا ہے۔ ملی یکجہتی کونسل سمیت نظام مصطفٰی میں شامل تمام دینی جماعتوں نے علامہ ناصر عباس کی حمایت کی ہے۔ علامہ ناصر عباس کا کہنا تھا کہ جب تک ان کے مطالبات تسلیم نہیں کئے جاتے وہ بھوک ہڑتال ختم نہیں کریں گے۔

اسلام ٹائمز۔ مجلس وحدت مسلمین پاکستان کے سربراہ علامہ ناصر عباس جعفری کی جانب سے فرقہ وارانہ دہشتگردی، ناجائز ایف آرز سمیت دیگر مطالبات کے حق میں بھوک ہڑتال چھٹے روز میں داخل ہوگئی ہے، اس دوران مختلف سیاسی و مذہبی جماعتوں نے بھوک ہڑتالی کیمپ میں آکر علامہ ناصر عباس جعفری کی حمایت کی ہے اور مطالبات تسلیم کئے جانے کا مطالبہ کیا ہے۔ ملی یکجہتی کونسل سمیت نظام مصطفٰی میں شامل تمام دینی جماعتوں نے علامہ ناصر عباس کی حمایت کی ہے۔ دوسری جانب سنی اتحاد کونسل، پاکستان عوامی تحریک، جمعیت علماء پاکستان نیازی گروپ، امامیہ اسٹوڈنٹس آرگنائزیشن پاکستان، امامیہ آرگنائزیشن پاکستان، البصیرہ، تحریک القائم اور دیگر ماتمی انجمنوں سمیت مختلف شعبہ ہائے زندگی سے تعلق رکھنے والے وفود کا بھوک ہڑتالی کیمپ میں آمد کا سلسلہ جاری ہے۔ علامہ ناصر عباس کا کہنا تھا کہ جب تک ان کے مطالبات تسلیم نہیں کئے جاتے، وہ بھوک ہڑتال ختم نہیں کریں گے۔