اسلام ٹائمز۔ پاکستان بھر میں یوم آزادی جوش و خروش کیساتھ منایا جا رہا ہے۔ تحریک پاکستان میں قربانیاں دینے والے مسلمانوں کو خراج تحسین پیش کرنے کا سلسلہ بھی جاری ہے۔ امامیہ اسٹوڈنٹس آرگنائزیشن پاکستان کے شعبہ اسکاوٹنگ کے چاک و چوبند دستے نے لاہور میں چودہ اگست کی مناسبت سے مصور پاکستان علامہ محمد اقبال کے مزار پر حاضری دی۔ امامیہ اسکاوٹس کے دستے کی قیادت مرکزی چیف اسکاوٹ تصور عباس کربلائی نے کی۔ امامیہ اسکاوٹس نے مزار اقبال پر قومی پرچم کو سلامی دی اور شاعر مشرق کی مرقد پر فاتحہ خوانی کی اور مزار پر پھول چڑھائے۔ تقریب کے دوران مزار اقبال کے پاس شاہی مسجد اور مزار سے ملحقہ پارک میں موجود افراد نے امامیہ اسکاوٹس کو دادتحسین دیتے ہوئے اور پاکستان زندہ باد کے نعروں بلند کیئے۔