اسلام ٹائمز - استحکام پاکستان کانفرنس، ڈی آئی خان

اسلام ٹائمز: شیعہ علماء کونسل کے زیراہتمام کوٹلی امام حسین (ع) میں شہدائے ملت کو خراج عقیدت پیش کرنے کیلئے بعد از نماز جمعہ استحکام کانفرنس کا انعقاد کیا گیا، جس میں ایس یو سی کے مقامی، صوبائی و مرکزی قائدین سمیت شہریوں کی بہت بڑی تعداد نے شرکت کی، سکیورٹی کے خصوصی اقدامات کئے گئے تھے۔

اسلام ٹائمز۔ ڈیرہ اسماعیل خان میں شیعہ علماء کونسل کے زیراہتمام استحکام پاکستان کانفرنس کا آغاز کوٹلی امام حسین (ع) میں بعد از نماز جمعہ ہوا، کانفرنس شیعہ علماء کونسل ڈیرہ اسماعیل خان کی طرف سے قائد ملت سید محمد دہلوی، قائد شہید، قائد مرحوم مفتی جعفر حسین اور شہدائے ملت بالخصوص شہدائے ڈیرہ اسماعیل خان کو خراج تحسین پیش کرنے کیلئے منعقد کی گئی۔ جس میں شیعہ علماء کونسل کے مقامی، صوبائی و مرکزی قائدین نے شرکت کی۔ کانفرنس سے مرکزی سیکرٹری جنرل علامہ عارف حسین واحدی، مرکزی نائب صدر علامہ محمد رمضان توقیر، علامہ سید سبطین حیدر سبزواری، علامہ عامر حسین، ذاکر نجم الحسن سمیت دیگر مقررین نے خطاب کیا۔ کانفرنس میں شہریوں کی کثیر تعداد نے شرکت کی۔ اس موقع پر سکیورٹی و دیگر حوالوں سے مثالی انتظامات کئے گئے تھے۔