اسلام ٹائمز - کشمیر میں بھارتی مظالم، سیمینار

اسلام ٹائمز: نیشنل پریس کلب میں سرحدوں پر پیدا کردہ تازہ ترین صورت حال کے تناظر میں سیمینار بعنوان ”مقبوضہ کشمیر میں بھارتی مظالم اور مودی کا جنگی جنون“ کا انعقاد کیا گیا، جس میں وزیر مذہبی امور، سابق چیئرمین سینٹ، سپیکر آزاد کشمیر اسمبلی سمیت دیگر نے شرکت کی۔

اسلام ٹائمز۔ بھارت کی جانب سے سرحد پر اشتعال انگیزی اور حملوں کے بعد پیدا ہونے والی تازہ ترین صورتحال کے تناظر میں نیشنل پریس کلب اسلام آباد نے ایک سیمینار کا اہتمام کیا۔ سیمینار ’’مقبوضہ کشمیر میں بھارتی مظالم اور مودی کا جنگی جنون‘‘ میں مختلف اعلٰی حکومتی و سیاسی شخصیات نے شرکت کی اور موجودہ صورتحال پہ اظہار رائے کیا۔ سیمینار میں وزیر مذہبی امور سردار یوسف، سابق چیئرمین سینٹ سید نئیر حسین بخاری، سپیکر آزاد کشمیر اسمبلی شاہ غلام قادر، حریت رہنما غلام محمد صفی، صغیر چغتائی، مولانا فضل الرحمن خلیل، سردار خالد ابراہیم، میر طاہر مسعود اور دیگر رہنماوں نے شرکت کی۔