اسلام ٹائمز - ۲۲ بھمن ریلی

بہمن ماہ درحقیقت اسلام، قرآن، مسلمانوں اور مستضعفوں کی عزت و عظمت کا مہینہ ہے۔ یہ مہینہ امریکہ نواز بادشاہوں کی بادشاہت کے خاتمہ، استقلال، آزادی اور استقامت کا مہینہ ہے۔

اسلام ٹائمز۔ آج بروز جمعہ 10 فروری 2017ء مطابق 22 بہمن سن 1395 ہجری شمسی کو اسلامی جمہوریہ ایران کے دارالحکومت تہران سمیت تمام چھوٹے بڑے شہروں میں انقلاب اسلامی کی 38ویں سالگرہ قومی جوش و خروش اور مذہبی جذبہ و ولولہ کے ساتھ منائی جا رہی ہے۔ مراجع عظام، علماء کرام، سیاسی و مذھبی تنظیموں اور ملک کی اہم شخصیات نے عوام کو ریلیوں میں بھرپور شرکت کرنے کی دعوت دی ہے۔ ایران بھر میں انقلاب اسلامی کی کامیابی کی 38ویں سالگرہ کی مناسبت سے عظیم ریلیاں نکالی جا رہی ہیں۔ ریلیوں میں مرد و خواتین، بچے اور بوڑھے سبھی شرکت کریں گے۔ انقلاب اسلامی کی سالگرہ کے موقع پر ایران میں سینکڑوں ملکی اور غیر ملکی نامہ نگار رپوٹنگ کے لئے موجود ہیں۔ بہمن ماہ درحقیقت اسلام، قرآن، مسلمانوں اور مستضعفوں کی عزت و عظمت کا مہینہ ہے۔ یہ مہینہ امریکہ نواز بادشاہوں کی بادشاہت کے خاتمہ، استقلال، آزادی اور استقامت کا مہینہ ہے۔ اس مہینہ میں انقلاب اسلامی کے شجرہ طیبہ کو باطل طاقتوں اور قوتوں پر عظیم اور تاریخی کامیابی اور فتح نصیب ہوئی۔