اسلام ٹائمز۔ جمعیت علمائے اسلام (ف) کے زیراہتمام 3 روزہ صد سالہ عالمی اجتماع آج خیبر پختونخوا کے ضلع نوشہرہ میں اضاخیل کے مقام پر شروع ہوگیا ہے۔ جے یو آئی کے سربراہ مولانا فضل الرحمان نے سب سے پہلے استقبالیہ پیش کیا۔ اجتماع میں بڑی تعداد میں لوگ شریک ہیں۔ اجتماع کے پہلے روز سعودی وزیر مذہبی امور شیخ صالح بن عبدالعزیز نے خصوصی شرکت کی جبکہ ان کے ہمراہ امام کعبہ شیخ صالح بن ابراہیم نے نماز جمعہ کا خطبہ دیا۔ واضح رہے کہ یہ اجتماع 9 اپریل تک جاری رہے گا، جس میں جے یو آئی کی جانب سے 40 لاکھ سے زائد افراد کی شرکت کا دعویٰ کیا ہے۔
