اسلام ٹائمز - یوم مصطفیٰ (ص)، جامعہ اردو کراچی

آئی ایس او جامعہ اردو کے زیر اہتمام یوم مصطفیٰ (ص) کی تقریب میں علامہ غلام عباس رئیسی، علامہ مرزا یوسف، علامہ انتظار الحق تھانوی، علامہ عقیل انجم قادری، علامہ صادق رضا تقوی، علامہ فیصل عزیزی و دیگر نے شرکت کی، جبکہ اہل تشیع و اہلسنت علمائے کرام اور طلباء نے علامہ انتظار الحق تھانوی کی اقتداء میں باجماعت نمام ادا کی۔

اسلام ٹائمز۔ امامیہ اسٹوڈنٹس آرگنائزیشن پاکستان کراچی ڈویژن جامعہ اردو یونٹ و دفتر مشیر امور طلبہ کے زیر اہتمام وفاقی اردو یونیورسٹی (گلشن اقبال) عبدالقدیر خان آڈیٹوریم میں یومِ مصطفیٰ (ص) کی پُرنور محفل کا انعقاد کیا گیا۔ یوم مصطفیٰ (ص) کی تقریب میں علامہ غلام عباس رئیسی، علامہ مرزا یوسف حسین، علامہ انتظار الحق تھانوی، علامہ عقیل انجم قادری، علامہ صادق رضا تقوی، علامہ فیصل عزیزی بندگی، علامہ منظر الحق تھانوی، ڈاکٹر عزیر محمود الازہری، ڈاکٹر زاہد علی زاہدی سمیت مختلف مکاتب فکر کے علماءکرام نے شرکت کی، جبکہ شجاع رضوی، علی دیپ رضوی سمیت شہر کے مشہور و معروف منقبت خواں و نعت خواں نے نزرانہ عقیدت پیش کیا۔ اس موقع پر اہل تشیع و اہلسنت علمائے کرام اور طلباء نے علامہ انتظار الحق تھانوی کی اقتداء میں باجماعت نمام ادا کی۔