اسلام ٹائمز۔ مجلس وحدت مسلمین پاکستان صوبہ سندھ کی جانب سے مشرق وسطیٰ کی جنگ میں پاکستان کی شمولیت اور لاپتہ افراد کی رہائی سمیت دیگر موضوعات کے خلاف 21 مئی کو نشتر پارک میں منعقدہ استحکام پاکستان و امام مہدی عج کانفرنس کی عوامی رابطہ مہم زور و شور سے جاری ہے۔ کراچی کی تقریبا ہر چھوٹی بڑی مساجد میں علماء کرام و تنظیمی احباب نے جاکر عوام کو عالمی حالات سے آگاہ کیا اور نشتر پارک میں منعقدہ کانفرنس کی دعوت دی۔ عوامی رابطہ مہم میں علامہ راجہ ناصر عباس جعفری، علامہ حسن ظفر نقوی، علامہ امین شہیدی، علامہ احمد اقبال رضوی، علامہ اعجاز بہشتی، علامہ اقتدار نقوی، علامہ علی رضوی،علامہ باقر زیدی، علامہ صادق جعفری، علامہ مبشر حسن، علامہ علی انور جعفری، علامہ احسان دانش، علامہ نشان حیدر ساجدی، علی حسین نقوی سمیت دیگر علمائے کرام و سینئر احباب نے عوامی اجتماعات سے خطاب کرتے ہوئے عوام کو جلسے میں شرکت کی دعوت دی۔

اسلام ٹائمز