اسلام ٹائمز۔ مجلس وحدت مسلمین پاکستان صوبہ سندھ کی جانب سے مشرق وسطیٰ کی جنگ میں پاکستان کی شمولیت اور لاپتہ افراد کی رہائی سمیت دیگر موضوعات کے خلاف 21 مئی کو نشتر پارک میں منعقدہ استحکام پاکستان و امام مہدی عج کانفرنس کی عوامی رابطہ مہم زور و شور سے جاری ہے۔ کراچی کی تقریبا ہر چھوٹی بڑی مساجد میں علماء کرام و تنظیمی احباب نے جاکر عوام کو عالمی حالات سے آگاہ کیا اور نشتر پارک میں منعقدہ کانفرنس کی دعوت دی۔ اس موقع پر شہر بھر میں پوسٹرز، بینرز آویزاں کردیئے گئے ہیں اور وال چاکنگ بھی کی گئی ہے۔ امید کی جارہی ہے کہ جلسے میں عوام کی بڑی تعداد شرکت کرے گی۔

اسلام ٹائمز