لاہور، آئی ایس او اور ایم ڈبلیو ایم کی القدس ریلی

اسلام ٹائمز۔ عالمی یوم القدس کے موقع پر لاہور میں مختلف مذہبی جماعتوں کی جانب سے القدس ریلیوں کا اہتمام کیا گیا جس میں ہزاروں افراد نے شرکت کی۔ امامیہ اسٹوڈنٹس آرگنائزیشن پاکستان کے زیراہتمام مسجد صاحب الزمان اسلامپورہ تا اسمبلی ہال ریلی کا انعقاد کیا گیا۔ ریلی کی قیادت آئی ایس او کے مرکزی نائب صدر علی کاظمی، مجلس وحدت مسلمین کے رہنما علامہ حسن ہمدانی، امامیہ آرگنائزیشن کے چیئرمین رضی شمسی، علامہ حیدر موسوی اور ڈویژنل صدر آئی ایس او علی زیدی نے کی۔ ریلی کے شرکاء نے فلسطین کے پرچم، بینرز، پلے کارڈ اور شہداء فلسطین کی یاد میں تابوت اٹھا رکھے تھے جبکہ جگہ جگہ اسرائیلی اور امریکی پرچم سٹرک پر بچھائے گئے تھے، جن کو شرکا ریلی اپنے پیروں تلے روند کر امریکہ و اسرائیل کیساتھ اظہار برات کرتے رہے۔