علامہ راجہ ناصر عباس کی پاراچنار آمد

اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری وارثان شہدائے پاراچنار کی جانب سے گذشتہ 5 روز سے جاری احتجاجی دھرنے میں شرکت کیلئے اسلام آباد سے پاراچنار پہنچ گئے ہیں۔ ایم ڈبلیو ایم خیبر پختونخوا کے سیکرٹری جنرل علامہ اقبال بہشتی و دیگر رہنماوں کے ہمراہ انہوں نے شہدائے پاراچنار کے خانوادگان سے اظہار تعزیت کی جبکہ احتجاجی دھرنے کے شرکاء سے اہم خطاب بھی کیا۔ دھرنے کے مقام پر پہنچنے پر وارثان شہداء، ایم ڈبلیو ایم کے کارکنان اور عوام کی جانب سے علامہ راجہ ناصر عباس جعفری کا پرجوش استقبال کیا گیا اور پاراچنار کی فضاء لبیک یاحسین (ع) کے نعروں سے گونجتی رہی۔ علامہ راجہ ناصر عباس جعفری نے علامہ سید عابد حسین الحسینی اور علامہ فدا حسین مظاہری سے بھی ملاقات کی۔