پاراچنار، یوم دفاع پاکستان

اسلام ٹائمز۔ پاراچنار میں یوم دفاع پاکستان کے حوالے سے رنگا رنگ تقریبات کا انعقاد کیاگیا اور کھیلوں کے مقابلوں کا بھی انعقاد کیا گیا۔ قبائلی علاقے پاراچنار میں بھی یوم دفاع پاکستان کے حوالے سے مختلف تقریبات کا انعقاد کیاگیا۔ ایف سی گراونڈ پاراچنار میں قبائلی عمائدین سمیت تقریب کے شرکاء اور فورسز کے افسران نے علاقائی رقص کا مظاہرہ کیا۔ اس موقع پر پاراچنار اور صدہ کے کرکٹ ٹیموں کے درمیان دوستانہ میچ بھی کھیلا گیا۔ جس میں صدہ نے پاراچنار ٹیم کو 8 وکٹوں سے شکست دے دی۔ کمانڈنٹ کرم ملیشیا کرنل راشد جاوید نے وینر اور رننر ٹیموں میں شیلڈز اور انعامات تقسیم کئے۔ کمانڈنٹ کرم ملیشیا کرنل راشد جاوید نے اسسٹنٹ پولیٹیکل ایجنٹ اپر کرم اکبر افتخار اور قبائلی عمائدین کے ہمراہ شہید میجر گلفام کی مزار پر پھولوں کی چادر چڑھائی اور فاتحہ خوانی بھی کی گئی۔