اسلام ٹائمز - کراچی، شیعہ علماء کونسل کے احتجاجی مظاہرے

امریکی صدر ڈونلڈ ٹرمپ کیجانب سے مقبوضہ بیت المقدس کو اسرائیلی دارالحکومت تسلیم کرنے کیخلاف احتجاجی مظاہروں سے ایس یو سی سندھ کے صدر علامہ ناظر عباس تقوی، علامہ شبیر میثمی، علامہ عابد عرفانی، یعقوب شہباز و دیگر نے خطاب کئے۔

اسلام ٹائمز۔ شیعہ علماء کونسل کے سربراہ علامہ سید ساجد علی نقوی کی اپیل پر امریکی صدر ڈونلڈ ٹرمپ کی جانب سے مقبوضہ بیت المقدس کو اسرائیلی دارالحکومت تسلیم کرنے کے خلاف کراچی میں ملیر، عباس ٹاؤن، اسٹیل ٹاؤن، ناظم آباد، نیو کراچی سمیت مختلف جامع مساجد پر احتجاجی مظاہرے ہوئے، جبکہ مرکزی مظاہرہ خوجہ اثناء عشری جامع مسجد کھارادر کے باہر کیا گیا، جس میں ایس یو سی کے ذمہ داران اور کارکنان کی بڑی تعداد نے شرکت کی۔ احتجاجی مظاہروں سے ایس یو سی سندھ کے صدر علامہ ناظر عباس تقوی، علامہ شبیر میثمی، علامہ عابد عرفانی، یعقوب شہباز و دیگر نے خطاب کئے۔