اسلام ٹائمز - کراچی، ایم ڈبلیو ایم کے تحت سیمینار

سیمینار سے اپنے خطاب میں علامہ راجہ ناصر عباس جعفری کا کہنا تھا کہ آل سعود نے عالمی ذرائع ابلاغ میں واضح طور پر کہا ہے کہ ہم امام مہدی علیہ السلام کی فوج سے جنگ کریں گے، سابق وزیر اعظم نواز شریف آل سعود کے فکری، نظریاتی اور دیگر اعتبار سے مکمل حمایتی ہیں، ہماری ن لیگ سے مخالفت کی بنیادی وجہ امام مہدی ؑ کے دشمن آل سعود سے آل شریف کی اسٹریجٹک پارٹنر شپ ہے۔

اسلام ٹائمز۔ مجلس وحدت مسلمین پاکستان کراچی ڈویژن کی جانب سے مسجد و امام بارگاہ مدینتہ العلم میں سیمینار بعنوان ’’عصر مہدویت ؑ کے تقاضے‘‘ کا انعقاد کیا گیا۔ سیمینار سے خطاب مرکزی سیکریٹری جنرل علامہ راجہ ناصر عباس جعفری نے کیا۔ اس موقع پر علماء کرام، ذاکرین عظام سمیت کارکنان و ذمہ داران کی بھی بڑی تعداد موجود تھی۔ اپنے خطاب میں علامہ راجہ ناصر عباس جعفری کا کہنا تھا کہ آل سعود نے عالمی ذرائع ابلاغ میں واضح طور پر کہا ہے کہ ہم امام مہدی علیہ السلام کی فوج سے جنگ کریں گے، سابق وزیر اعظم نواز شریف آل سعود کے فکری، نظریاتی اور دیگر اعتبار سے مکمل حمایتی ہیں، ہماری ن لیگ سے مخالفت کی بنیادی وجہ امام مہدی ؑ کے دشمن آل سعود سے آل شریف کی اسٹریجٹک پارٹنر شپ ہے۔