اسلام ٹائمز۔ لاہور کے علاقہ سمن آباد میں کُل مسالک علماء بورڈ کے زیراہتمام علماء و مشائخ کانفرنس کا انعقاد کیا گیا، جس میں وفاقی وزیر مذہبی امور ڈاکٹر نورالحق قادری نے بطور مہمان خصوصی شرکت کی۔ کانفرنس کے دیگر شرکاء میں کُل مسالک علماء بورڈ کے چیئرمین مولانا محمد عاصم مخدوم، جمیعت علمائے پاکستان (نورانی) کے سربراہ سید معصوم شاہ نقوی، شیعہ علماء کونسل پنجاب کے نائب صدر مولانا حافظ سید کاظم رضا نقوی، مولانا شکیل الرحمن ناصر سمیت تمام مکاتب فکر کے علماء و مشائخ شریک ہوئے۔
