QR Code

پاراچنار، سمیر میں شنگ اور اوچت کا فائنل مقابلہ

27 Nov 2018 20:35

والی بال کے مقابلوں میں اپر کرم سے ہائی سکول شنگک جبکہ لوئر کرم سے ہائی سکول اوچت فائنل میں پہنچ گئے تھے۔ فائنل میچ کا انعقاد گزشتہ روز گورنمنٹ ہائی سکول سمیر میں کرایا گیا۔ نہایت سخت مقابلے کے بعد ہائی سکول اوچت نے 3، 2 سے ہائی سکول شنگک کو شکست دیکر ایجنسی کی سطح پر ٹائٹل جیت لیا۔

اسلام ٹائمز۔ ایجنسی ایجوکیشن آفس کی ہدایات پر پرنسپل حاجی مرجان علی کے زیر نگرانی کرم ایجنسی میں ہائی سکولوں کی سطح پر انٹر ایجنسی ٹورنمنٹ کا انعقاد کیا گیا۔ جس میں ہائی سکولوں کے درمیان فٹ بال، والی بال، کرکٹ اور باسکٹ بال وغیرہ کے مقابلے کرائے گئے۔ والی بال کے مقابلوں میں اپر کرم سے ہائی سکول شنگک جبکہ لوئر کرم سے ہائی سکول اوچت فائنل میں پہنچ گئے تھے۔ فائنل میچ کا انعقاد گزشتہ روز گورنمنٹ ہائی سکول سمیر میں کرایا گیا۔ نہایت سخت مقابلے کے بعد ہائی سکول اوچت نے 3، 2 سے ہائی سکول شنگک کو شکست دیکر ایجنسی کی سطح پر ٹائٹل جیت لیا۔ دیگر ایجنسیوں میں کھیلوں کا نتیجہ نکلنے کے بعد ہائی سکول اوچت پشاور میں فاٹا کی سطح پر کھیل کر اپنی پوزیشن واضح کرے گا۔

خبر کا کوڈ: 763336