اسلام ٹائمز - پاراچنار، مساجد کی آبادکاری کی مہم

مسجد امام خمینی پڑاؤ کیلئے مولانا جاوید حسین کو عبا پہنا کر باقاعدہ نماز جماعت کی امامت کی ذمہ داری سونپ دی گئی۔ اس موقع پر مولانا جاوید حسین کی اقتدا میں علامہ فدا حسین مظاہری سمیت دیگر کافی تعداد میں لوگوں نے نماز باجماعت کا ادا کی۔

اسلام ٹائمز۔ قبائلی ضلع کرم کی مرکزی جامع مسجد پاراچنار کے پیش امام علامہ فدا حسین مظاھری کی نگرانی میں مدرسہ جعفریہ کے علماء نے کرم بھر کے گاؤں کی مساجد کی آباد کاری کے حوالے سے مہم کا آغاز کیا ہے۔ جس کے تحت علامہ فدا حسین مظاہری اور مدرسہ جعفریہ کے دیگر علماء ضلع کرم کے ہر گاؤں کی مسجد کا دورہ کرتے ہیں، اس موقع پر مسجد کے پیش امام کو مہیا کرنے کے علاوہ تمام تر ضروریات کو موقع پر ہی پورا کیا جاتاہے۔ اس مہم کا باقاعدہ آغاز آج لقمانخیل پڑاؤ سے کیا گیا۔ پیش امام علامہ شیخ فدا حسین مظاہری اور سیکرٹری انجمن حسینیہ حاجی نور محمد نے گاؤں لقمانخیل کی مسجد امام خمینیؒ پڑاؤ کا دورہ کیا۔ مسجد امام خمینی پڑاؤ کیلئے مولانا جاوید حسین کو عبا پہنا کر باقاعدہ نماز جماعت کی امامت کی ذمہ داری سونپ دی گئی۔ اس موقع پر مولانا جاوید حسین کی اقتدا میں علامہ فداحسین مظاہری سمیت دیگر لوگوں نے نماز باجماعت کا ادا کی۔