QR Code
کراچی، عارف رضا زیدی کی انتخابی مہم
23 Dec 2018 03:45
انتخابی مہم کے دوران عارف رضا زیدی کا کہنا تھا کہ تحریک انصاف کے ایم این اے، پیپلز پارٹی کے ایم پی اے اور متحدہ قومی موومنٹ کے ناظم نے اب تک یوسی 11 کے عوام کی مشکلات اور مسائل کے حل کیلئے کوئی خاطر خواہ کارنامہ انجام نہیں دیا، ہم انشاءاللہ کامیاب ہوکر اس ظالمانہ طرز سیاست کا خاتمہ کریں گے اور یونین کونسل 11 کو مثالی علاقہ بنائیں گے۔
اسلام ٹائمز۔ ضمنی انتخاب برائے وائس چیئرمین یونین کونسل 11 جعفرطیار میں مجلس وحدت مسلمین پاکستان کراچی ڈویژن ضلع ملیر کے حمایت یافتہ امیدوار عارف رضا زیدی کی انتخابی مہم اختتام ہوگئی۔ انتخابی مہم کے موقع پر عارف رضا زیدی نے گھر گھر جاکر لوگوں کو ووٹ کی اہمیت سے آگاہ کیا اور انہیں پہاڑ کے نشان پر ووٹ ڈالنے کی اپیل کی۔ عارف رضا زیدی کی انتخابی مہم کیلئے کارنر میٹنگز، جنرل باڈی اجلاس، عوامی رابطہ مہم، بائیک ریلی سمیت مختلف عوامی پروگرامات کا انعقاد کیا گیا، جبکہ علماء کرام و ذاکرین، ٹرسٹیز، ماتمی انجمنوں کے ذمہ داران سمیت اہم شخصیات سے ملاقاتوں کا سلسلہ بھی جاری رہا۔ انتخابی مہم کے دوران عارف رضا زیدی کا کہنا تھا کہ تحریک انصاف کے ایم این اے، پیپلز پارٹی کے ایم پی اے اور متحدہ قومی موومنٹ کے ناظم نے اب تک یوسی 11 کے عوام کی مشکلات اور مسائل کے حل کیلئے کوئی خاطر خواہ کارنامہ انجام نہیں دیا، ہم انشاءاللہ کامیاب ہوکر اس ظالمانہ طرز سیاست کا خاتمہ کریں گے اور یونین کونسل 11 کو مثالی علاقہ بنائیں گے۔
خبر کا کوڈ: 768184