اسلام ٹائمز - اصغریہ اسٹوڈنٹس کی ورکنگ کونسل کا اجلاس

اجلاس میں اکثریت رائے سے مرکزی کنونشن 14 تا 17 فروری 2019ء بعنوان ’’فہم قرآن و یوم کوثر مصطفیٰ (ص)‘‘ بمقام ثقافتی مرکز بھٹ شاہ میں منعقد کرنے کی تجویز دی گئی۔

اسلام ٹائمز۔ اصغریہ اسٹوڈنٹس آرگنائزیشن پاکستان کا راہیان کربلا و عاشقان مہدیؑ ورکنگ کونسل کا اہم اجلاس مرکزی صدر قمر عباس غدیری کی زیر صدارت اندرون سندھ کے علاقے سکرنڈ سٹی میں منعقد ہوا، جس میں تنظیم کے اضلاع، ڈویژنز، اور مرکزی کابینہ کے ذمہ داران نے شرکت کی، اجلاس میں خصوصی طور پر اصغریہ اسٹوڈنٹس کی سرپرست کونسل کے اراکین انجنئیر سید حسین موسوی، سید غضنفر رضوی اور سید پسند علی رضوی نے شرکت کی، اجلاس میں اضلاع، ڈویژنز، اور مرکز کی کارکرگی رپورٹ پیش کی گئی، جس پر سرپرست کونسل کے اراکین نے تجزیات پیش کئے، جبکہ سالانہ مرکزی کنونشن کیلئے نام، جگہ اور تاریخ کیلئے رائے شماری کی گئی، اجلاس میں اکثریت رائے سے مرکزی کنونشن 14 تا 17 فروری 2019ء بعنوان ’’فہم قرآن و یوم کوثر مصطفیٰ (ص)‘‘ بمقام ثقافتی مرکز بھٹ شاہ میں منعقد کرنے کی تجویز دی گئی۔