اسلام ٹائمز - پشاور، پاک ایران آرٹ اینڈ پینٹنگ نمائش

خیبر پختونخوا کے سینئر وزیر نے خانہ فرہنگ ایران پشاور میں آرٹ اینڈ پینٹنگ نمائش کی افتتاحی تقریب میں شرکت کی۔ اس موقع پر ایرانی قونصل جنرل محمد باقر بیگی کے علاوہ دیگر حکام بھی موجود تھے۔ نمائش میں خواتین سمیت بڑی تعداد میں لوگوں نے شرکت کی، نمائش میں مختلف قسم کے آرٹ اور پینٹگز رکھے گئے تھے جو پاکستان اور ایران کی ثقافت پر مشتمل تھے۔ سینئر وزیر نے تمام آرٹس اور پینٹنگ دیکھیں۔

اسلام ٹائمز۔ خیبر پختونخوا کے سینئر وزیر برائے ثقافت، سیاحت، آرکیالوجی، کھیل و امور نوجوانان عاطف خان نے کہا ہے کہ ایران سمیت تمام ہمسایہ اور خطے کے دیگر ممالک کے ساتھ عنقریب کلچر ایکسچینج پروگرام شروع کئے جائیں گے، بہت جلد پشاور میں تمام ہمسایہ ممالک کی ثقافت پر مشتمل ایک پروگرام کا انعقاد کیا جائے گا۔ ان خیالات کا اظہار سینئر وزیر نے خانہ فرہنگ ایران پشاور میں دو روزہ آرٹ اینڈ پینٹنگ نمائش کی افتتاحی تقریب سے خطاب کرتے ہوئے کیا۔ اس موقع پر ایرانی قونصل جنرل محمد باقر بیگی کے علاوہ دیگر حکام بھی موجود تھے۔ نمائش میں خواتین سمیت بڑی تعداد میں لوگوں نے شرکت کی، نمائش میں مختلف قسم کے آرٹ اور پینٹنگز رکھے گئے تھے جو پاکستان اور ایران کی ثقافت پر مشتمل تھے۔ سینئر وزیر نے تمام آرٹس اور پینٹنگ دیکھیں۔ سینئر وزیر عاطف خان نے کہا کہ اس قسم کی ثقافتی سرگرمیوں سے دونوں ممالک کے درمیان تعلقات مزید مضبوط ہو جائیں گے، پاکستان اور ایران دونوں ہمسایہ اور دوست ممالک ہیں اس قسم کی مزید سرگرمیوں کا انعقاد بھی کیا جائے گا جس سے دونوں ممالک کے لوگ ایک دوسرے کے قریب آئیں گے۔ انہوں نے کہا کہ خیبر پختونخوا میں آنے والا جشن نوروز جوش وخروش کے ساتھ منایا جائے گا جس میں ایران اور افغانستان سے اعلٰی حکام کو مدعو کیا جائے گا۔