اسلام ٹائمز۔ امام خمینی میموریل ٹرسٹ کرگل کے رہنما آخوند ابراہیم نے شدید برفباری کے باوجود کوکشو گاؤں کا اچانک دورہ کیا، جہاں امام خمینی میموریل ٹرسٹ کی طرف سے سردیوں کے موسم میں غریب طالب علموں کے لئے مفت کوچنگ کا اہتمام کیا جارہا ہے۔ آخوند ابراہیم نے اپنے دورہ کے دوران کوچنگ سینٹروں کی فعالیت کا جائزہ لیکر بچوں اور اساتید کی حوصلہ افزائی کی۔ بچوں کی پیشرفت کا جائزہ لیکر آخوند ابراہیم نے اساتید کو چند ایک ہدایات بھی دیں۔ اس دوران گاؤں کے ذمہ داروں نے امام خمینی میموریل ٹرسٹ کی اس پہل کا شکریہ بھی ادا کیا۔ آخوند ابراہیم کے علاوہ اس ٹیم میں پروفیسر ممتاز گوما کرگل، محمد کاظم اقچمل اور خادم حسین نے شرکت کی۔