QR Code

بھٹ شاہ،اصغریہ اسٹوڈنٹس کا 48واں مرکزی کنونشن(1)

15 Feb 2019 19:29

4 روزہ 48واں سالانہ مرکزی فہم قرآن کنونشن ثقافتی مرکز بھٹ شاہ ضلع مٹیاری میں شروع ہو گیا ہے، جس میں سندھ بھر سے طلبا و کارکنان کثیر تعداد میں شریک ہیں۔

اسلام ٹائمز۔ اصغریہ اسٹوڈنٹس آرگنائزیشن پاکستان کا 4 روزہ 48واں سالانہ مرکزی فہم قرآن کنونشن ثقافتی مرکز بھٹ شاہ ضلع مٹیاری میں شروع ہو گیا ہے، جس میں حیدرآباد، مٹیاری، میرپورخاص، عمرکوٹ، بدین، ٹنڈو محمد خان، ٹھٹہ، جامشور، دادو، کے این شاہ، لاڑکانہ، شہداد کوٹ، جیکب آباد، شکارپور، گھوٹکی، سکھر، خیرپور، رانی پور، نوشہروفیروز، مورو، نوابشاہ، سکرنڈ سمیت سندھ بھر سے طلبا و کارکنان کثیر تعداد میں شریک ہیں۔ تفصیلات کے مطابق کنونشن کا آغاز گزشتہ روز شام 4 بجے سے ہوا، سندھ بھر سے آنے والے طلبہ کی رجسٹریشن کرکے رہائش گاہ الاٹ کی گئی، جبکہ نماز مغربین باجماعت ادا کی گئی۔ کنونشن سے افتتاحی خطاب اے ایس او کے مرکزی صدر قمر عباس غدیری نے کیا، جبکہ اصغریہ تحریک کے چیئرمین انجینئر سید حسین موسوی و دیگر مققرین نے بھی خطاب کیا، جبکہ چئیرمین کنونشن محمد عالم ساجدی نے انتظامات اور ضروری ہدایات سے آگاہ کیا۔ بعد ازاں سوشل میڈیا کے مثبت اور منفی اثرات کے موضوع پر راؤنڈ ٹیبل ڈسکشن کی گئی، ڈسکشن پینل میں معروف صحافی عرفان علی ٹھٹوی، پروفیسر محبوب علی شر، سماجی اور مذہبی رہنما کاشف علی انڑ، مرکزی صدر اے ایس او قمر عباس غدیری شامل تھے۔

خبر کا کوڈ: 778170