اسلام ٹائمز - آئی ایس او کراچی کے تحت دفاع پاکستان ریلی

ریلی سے خطاب میں مقررین نے کہا کہ بھارتی فوج پاکستان پر حملہ کرنے کی جتنی بھی کوشش کرلے کبھی کامیاب نہیں ہوسکتے، بھارتی فوج کا مقابلہ پاک فوج تو بعد میں کرے گی اس سے پہلے پاکستانی عوام لڑنے کے لئے اپنے آپ کو حاضر کریں گے اور مادر وطن کی حفاظت کے لئے کسی قسم کی قربانی سے دریغ نہیں کریں گے۔

اسلام ٹائمز۔ امامیہ اسٹوڈنٹس آرگنائزیشن پاکستان کراچی ڈویژن کی جانب سے بھارتی جارحیت کے خلاف اور پاکستان کے دفاع و پاک فوج سے اظہار یکجہتی کرتے ہوئے دفاع پاکستان ریلی کا انعقاد کیا گیا۔ ریلی میں شریک افراد نے پاک فوج کے حق میں اور بھارت کے خلاف نعرے لگائے۔ ریلی کا آغاز نیپا چورنگی سے ہوا جو اپنے مقررہ راستوں سے ہوتی ہوئی مزار قائد پر اختتام پزیر ہوئی۔ ریلی میں علامہ صادق رضا تقوی، مفتی فیروز الدین رحمانی، ایم ڈبلیو ایم کے سیکرٹری سیاسیات علی حسین نقوی سمیت مختلف سیاسی و مذہبی رہنماؤں نے شرکت کی اور شرکاء سے خطاب کیا۔ اس موقع پر مقررین نے خطاب کرتے ہوئے کہا کہ بھارتی فوج پاکستان پر حملہ کرنے کی جتنی بھی کوشش کرلے کبھی کامیاب نہیں ہوسکتے، بھارتی فوج کا مقابلہ پاک فوج تو بعد میں کرے گی اس سے پہلے پاکستانی عوام لڑنے کے لئے اپنے آپ کو حاضر کریں گے اور مادر وطن کی حفاظت کے لئے کسی قسم کی قربانی سے دریغ نہیں کریں گے۔