اسلام ٹائمز۔ کیڈٹ کالج چلاس کی پہلی پاسنگ آؤٹ پریڈ منعقدہ ہوئی، مہمان خصوصی فورس کمانڈر گلگت بلتستان میجر جنرل احسان محمود خان تھے۔ پاسنگ آؤٹ پریڈ میں اعلیٰ سول و عسکری حکام، طلبا کے والدین کی کثیر تعداد نے شرکت کی، تقریب کی خاص بات یہ تھی کہ دیامر کی تاریخ میں پہلی مرتبہ کسی بھی سرکاری تقریب میں خواتین نے بھی شرکت کی۔ فورس کمانڈر نے خطاب کرتے ہوئے کہا کہ دیامر میں ٹیلنٹ کی کمی نہیں، پاک فوج دیامر میں تعلیم کے فروغ کیلئے ہر ممکن تعاون فراہم کریگی۔
