ایک داعی اور مبلغ کے لیے ضروری ہے کہ وہ مجمع شناس ہو، کیونکہ مجمع کی پرواہ نہ کرنے سے اچھے نتائج حاصل نہیں کیے جا سکتے۔ حضرت جعفر طیار علیہ السلام نے نجاشی کے دربار میں سورہ مریم کی آیات پڑھ کر تعارف کرایا، اگر دوسری کوئی آیت پڑھی جاتی، جس مسیحیوں کے عقائد پر تنقید ہے تو یہ اثر نہ ہوتا۔ اچھے مبلغ میں دینی فراست ہوتی ہے۔ انہوں نے کہا آج ایسے لوگ منبروں کی زینت بن رہے ہیں، جن کا علم سے دور دور کا کوئی واسطہ نہیں ہے۔ علم حاصل کریں کیونکہ علم کے بغیر دعوت مکمل نہیں ہوتی۔ سوالات کے جواب میں انہوں نے کہا کہ ہم نے فرقہ واریت کے دور میں اس کی ڈٹ کر مخالفت کی اور کوئی یو ٹرن نہیں لیا۔ اس وقت علامہ ساجد نقوی صاحب ہمارے ادارے میں تشریف لاتے تھے اور اب ہم اس کو مزید بہتر کریں گے۔
جامعۃ الکوثر کے دورہ کے دوران انہوں نے جامعہ کا کتاب خانہ بھی دیکھا، جہاں انہیں کتاب خانہ میں موجود کتب کے بارے میں تفصیل سے بتایا گیا۔ انہوں نے اس بات پر مسرت کا اظہار کیا کہ یہاں تمام مسالک کی امہات کتب موجود ہیں، اس سے وسعت پیدا ہوتی ہے اور علم وسعت کا باعث بنتا ہے۔ جامعۃ الکوثر پہنچنے پر ان کی جامعۃ کے اساتذہ کے ساتھ ملاقات ہوئی۔ حجۃ الاسلام والمسلمین مولانا انور علی نجفی صاحب نے استقبالیہ کلمات ادا کیے اور اساتذہ سے تعارف کرایا۔ جس کے بعد جامعۃ الکوثر اور محسن ملت، مفسر قرآن شیخ محسن علی نجفی کی خدمات سے آگاہ کیا گیا۔ سید ضیاء اللہ شاہ بخاری نے جامعۃ الکوثر کی خدمات کو سراہا اور کہا کہ اللہ شیخ صاحب کا سایہ ہمارے سروں پر قائم رکھے، جن کی اتنی برکات ہیں۔ اچھی ٹیم کا مل جانا ایک نعمت ہے، جو شیخ صاحب کو آپ کی شکل میں میسر ہے۔
ظہرانے پر مفسر قرآن شیخ محسن علی نجفی اور سید ضیاء اللہ شاہ بخاری کے درمیان ترجمہ قرآن، تفسیر قرآن، شیعہ سنی مفاہمت کی صورتیں، دشمن کی طرف سے پھیلائی غلط فہمیاں اور جاہلوں کی تشریح مذہب پر گفتگو ہوئی۔ سید ضیاء اللہ شاہ بخاری نے مفسر قرآن شیخ محسن علی نجفی کے ترجمہ قرآن کو بہترین ترجمہ قرار دیتے ہوئے کہا کہ میں اس سے استفادہ کرتا رہتا ہوں۔ مفسر قرآن شیخ محسن علی نجفی کی طرف سے سید ضیاء اللہ شاہ بخاری کو تفسیر الکوثر کا ایک نسخہ بطور تحفہ دیا گیا، جس پر ضیاء اللہ شاہ بخاری صاحب نے ان کا شکریہ ادا کیا۔ انداز فکر جامعۃ الکوثر کا علمی فورم ہے، جس پر پاکستان بھر سے بلا تفریق مسلک و مذہب اہل علم کو خطاب کی دعوت دی جاتی ہے۔ موضوعات کا تنوع اور جدید مسائل پر گفتگو سے طلاب کی صلاحیتوں میں اضافہ ہوتا ہے۔
خبر کا کوڈ : 789875
منتخب
24 Apr 2024
24 Apr 2024
24 Apr 2024
23 Apr 2024
23 Apr 2024
23 Apr 2024