QR Code

پاراچنار، اجتماعی شادیاں 1

28 Apr 2019 23:24

اجتماع سے تحریک حسینی کے صدر علامہ یوسف جعفری، تحریک حسینی کے سرپرست اعلٰی علامہ سید عابد حسینی، مرکزی جامع مسجد پاراچنار کے نائب پیش امام علامہ ارمان علی، انجمن حسینیہ کے رکن سید رضا حسین، بریگیڈئر پاک فوج اختر علیم اور امام خمینی ٹرسٹ کے چیئرمین علامہ سید افتخار حسین نقوی نے خطاب کیا۔

اسلام ٹائمز۔ تحریک حسینی پاراچنار کے توسط سے آج اتوار کو 60 نہایت غریب جوڑوں کی اجتماعی شادی کی تقریب منعقد ہوئی۔ جس میں امام خمینی ٹرسٹ کے چیئرمین اور ضلع میانوالی کے معروف عالم دین علامہ سید افتخار حسین نقوی صاحب اور اسکی 40 رکنی ٹیم کے علاوہ کرم کے اہم مذھبی، سیاسی اور سماجی شخصیات نیز سول اور فوجی انتظامیہ کے اعلٰی افسران، اساتذہ کرام، صحافی اور ڈاکٹر حضرات نے بھی شرکت کی۔ جن میں نائب پیش امام علامہ شیخ ارمان علی صاحب، علامہ افتخار نقوی کے فرزند علامہ سید انتصار مہدی، مدرسہ امام خمینی کے شعبہ تبلیغات کے سربراہ مولانا موسی رضا، بریگیڈیئر پاک فوج جناب اختر علیم صاحب، کرنل مسعود صاحب، انجمن حسینیہ کے سابق سیکرٹری حاجی نور محمد صاحب، مقامی صحافیوں کے علاوہ سچ ٹی وی کے اینکر پرسن ندیم حسین معروف صحافی ہارون الرشید اور دیگر اہم افراد نے شرکت کی۔ 

پروگرام کا آغاز جاوید حسین نے تلاوت کلام مجید سے کیا، اسکے بعد سٹیج سیکرٹری غلام قنبر عمرانی نے باری باری مقررین کو دعوت خطاب دی۔ اجتماع سے تحریک حسینی کے صدر علامہ یوسف جعفری، تحریک حسینی کے سرپرست اعلٰی علامہ سید عابد حسینی، مرکزی جامع مسجد پاراچنار کے نائب پیش امام علامہ ارمان علی، انجمن حسینیہ کے رکن سید رضا حسین، بریگیڈیئر پاک فوج اختر علیم اور امام خمینی ٹرسٹ کے چیئرمین علامہ سید افتخار حسین نقوی نے خطاب کیا۔ مقررین نے شادی کی اہمیت کے علاوہ امام خمینی ٹرسٹ کی کاوشوں کو سراہا۔ اور اسے زبردست خراج تحسین پیش کیا۔

خبر کا کوڈ: 791165