QR CodeQR Code

خانوادہ شہداء سے ملاقات

6 Jun 2019 20:39

مولانا باقر عباس زیدی نے کراچی میں وفد کے ہمراہ شہید علامہ دیدار جلبانی، شہید صفدر عباس، شہید عبدالعالم ہزارہ، شہید علی شاہ اور شہید سرفراز بنگش کے گھروں پر حاضری دی اور خانوادہ شہداء سے ملاقات کی، جہاں فاتحہ خوانی کیساتھ ساتھ خانوادگان شہداء کو پھولوں کا گلدستہ، مٹھائی اور عیدی پیش کی گئی۔


اسلام ٹائمز۔ مجلس وحدت مسلمین پاکستان سندھ کے سیکرٹری جنرل مولانا باقر عباس زیدی نے وفد کے ہمراہ شہید علامہ دیدار جلبانی، شہید صفدر عباس ،شہید عبدالعالم ہزارہ، شہید علی شاہ اور شہید سرفراز بنگش کے گھروں پر حاضری دی اور خانوادہ شہداء سے ملاقات کی، جہاں فاتحہ خوانی کے ساتھ ساتھ خانوادگان شہداء کو پھولوں کا گلدستہ مٹھائی اور عیدی پیش کی گئی۔ ایم ڈبلیو ایم سندھ کے وفد میں مولانا باقر عباس زیدی کے ہمراہ صوبائی ڈپٹی سیکرٹری جنرل سید علی حسین نقوی، کراچی ڈویژن کے ڈپٹی سیکرٹری جنرل علامہ مبشر حسن، کراچی ڈویژن کے سیکرٹری سیاسی امور میر تقی ظفر اور مسجد و امام بارگاہ مجلس وحدت مسلمین کے ٹرسٹیز شامل تھے۔ دوسری جانب شیعہ علماء کونسل پاکستان صوبہ سندھ کے وفد نے علامہ ناظر عباس تقوی کی سربراہی میں علامہ حسن ترابی شہید کے اہلخانہ سے ملاقات کی اور انہیں عیدالفطر کی مناسبت سے مبارک باد پیش کی۔ اس موقع پر علامہ کامران حیدر عابدی، یعقوب شہباز، حسنین مہدی، ذوالفقار حیدر، مسلم رضا سمیت دیگر رہنما بھی موجود تھے۔ بعدازاں وفد نے جامع مسجد مصطفیٰ عباس ٹاون میں شہید علامہ حسن ترابی کی قبر پر حاضری دی اور فاتحہ خوانی کی۔


خبر کا کوڈ: 798148

خبر کا ایڈریس :
https://www.islamtimes.org/ur/gallery/798148/1/خانوادہ-شہداء-سے-ملاقات

اسلام ٹائمز
  https://www.islamtimes.org