اسلام ٹائمز۔ تحریک تحفظ تشیع پاکستان کے زیراہتمام ناصر باغ لاہور میں 18 اگست کو منعقد ہونیوالے ’’ولایت کنونشن‘‘ کی تشہری مہم زور و شور سے جاری ہے۔ اس حوالے سے تحریک تحفظ تشیع کے رہنما علماء، ذاکرین، بانیان مجالس اور ماتمی سنگتوں کے سالار حضرات سے روابط کر رہے ہیں وہیں شہر بھر میں تشہری مہم بھی جاری ہے۔ لاہور کے تمام علاقوں میں تشہری پوسٹر آویزاں کر دیئے گئے ہیں۔ جبکہ علمائے کرام و ذاکرین عظام کی جانب سے بھی کنونشن میں بھرپور شرکت کی یقین دہانی کروائی گئی ہے۔
